Duke kryer një rezervim ose duke vazhduar me pagesën përmes platformave të Hotel Gallery - Thermo Mineral & Spa, ju konfirmoni se keni lexuar, kuptuar dhe pranuar këto Kushte të Përgjithshme dhe Politikën e Privatësisë. Këto kushte përbëjnë një marrëveshje ligjërisht të detyrueshme ndërmjet Hotelit dhe Mysafirit.

Hoteli përpunon të dhënat personale në përputhje me Ligjin Nr. 06/L-082 për Mbrojtjen e të Dhënave Personale dhe legjislacionin tjetër të zbatueshëm në Republikën e Kosovës.

1. Pranimi i kushteve dhe vlefshmëria e marrëveshjes

Duke përfunduar procesin e rezervimit ose pagesës, ju pranoni të gjitha kushtet e përcaktuara në këtë dokument. Nëse nuk pajtoheni me ndonjë dispozitë të tij, nuk duhet të vazhdoni me rezervimin.

Pranimi elektronik përmes klikimit të opsionit "Pajtohem" ose përmes kryerjes së pagesës konsiderohet i barasvlershëm me nënshkrimin fizik dhe krijon detyrime kontraktuale për të dyja palët.

2. Procesi i rezervimit, çmimet dhe pagesat

Rezervimi konsiderohet i vlefshëm vetëm pasi pagesa të jetë procesuar me sukses dhe Hoteli të ketë dërguar konfirmimin zyrtar në adresën elektronike të deklaruar nga mysafiri.

Çmimet e publikuara gjatë procesit të rezervimit janë çmime përfundimtare dhe përfshijnë të gjitha tarifat e aplikueshme, përveç rasteve kur specifikohet ndryshe.

Duke kryer pagesën, mysafiri autorizon Hotelin të ngarkojë kartën e përdorur për shumën totale të rezervimit, duke përfshirë tarifat e akomodimit, shërbimet shtesë dhe çdo pagesë tjetër të aplikueshme.

Mysafiri garanton se të dhënat e pagesës dhe informacionet e rezervimit janë të sakta dhe se është përdorues i autorizuar i kartës së pagesës.

3. Politika e anulimit dhe rimbursimit

Rezervimet mund të anulohen pa penalitet deri në 14 ditë para datës së check-in-it, me të drejtë për rimbursim të plotë.

Anulimet e kryera më pak se 14 ditë para mbërritjes nuk kualifikohen për rimbursim.

Çdo kërkesë për anulim duhet të bëhet me shkrim përmes email-it zyrtar të Hotelit.

Rimbursimet e aprovuara procesohen në metodën origjinale të pagesës brenda pesë (5) ditëve pune.

Ndryshimet në datat e rezervimit konsiderohen si anulim i rezervimit ekzistues dhe krijim i një rezervimi të ri, sipas disponueshmërisë dhe tarifave aktuale.

4. Mosparaqitja dhe largimi i hershëm

Nëse mysafiri nuk paraqitet deri në orën 23:59 të ditës së mbërritjes dhe nuk ka njoftuar Hotelin paraprakisht, rezervimi konsiderohet mosparaqitje.

Në rast mosparaqitjeje, pagesa mbahet plotësisht dhe nuk ofrohet rimbursim.

Largimi i hershëm nga hoteli nuk krijon të drejtë për kompensim ose rimbursim për netët e pashfrytëzuara, përveç rasteve kur Hoteli ka dhënë miratim me shkrim.

5. Zgjidhja e mosmarrëveshjeve dhe chargeback

Në rast të ndonjë ankese ose pakënaqësie lidhur me shërbimet e Hotelit, mysafiri duhet të kontaktojë Hotelin brenda tre (3) ditëve kalendarike nga data e check-out-it.

Hoteli do të shqyrtojë ankesën dhe do të ofrojë përgjigje brenda tre (3) ditëve pune.

Para inicimit të një chargeback-u ose kontestimi bankar, mysafiri pajtohet të kërkojë fillimisht zgjidhje direkte me Hotelin.

Çdo tentativë mashtrimi ose përdorimi i paautorizuar i kartave bankare do të raportohet tek autoritetet kompetente dhe mund të rezultojë në anulimin e menjëhershëm të rezervimit.

6. Të dhënat personale që mbledhim

Hoteli mund të mbledhë:

• Emrin, mbiemrin dhe titullin;
• Adresën postare dhe adresën elektronike;
• Numrat e kontaktit;
• Adresën IP dhe të dhënat teknike të përdorimit;
• Informacionet e pagesës dhe rezervimit;
• Të dhënat e anëtarësive ose programeve premium;
• Informacionet e nevojshme për rezervimet familjare ose grupore;
• Të dhënat e klientëve korporativë dhe partnerëve afaristë.

7. Baza ligjore e përpunimit të të dhënave

Të dhënat personale përpunohen mbi bazën e:

• Ekzekutimit të kontratës së rezervimit;
• Përmbushjes së detyrimeve ligjore;
• Interesit legjitim të Hotelit;
• Pëlqimit të subjektit të të dhënave kur kërkohet nga ligji.

8. Përdorimi i të dhënave personale

Informacioni i mbledhur përdoret për:

• Menaxhimin e rezervimeve dhe ofrimin e shërbimeve;
• Komunikimin me mysafirët;
• Mbështetjen ndaj klientit;
• Përmirësimin e faqes së internetit dhe shërbimeve;
• Marketingun dhe ofertat promocionale;
• Përmbushjen e detyrimeve ligjore dhe administrative.

9. Të drejtat e subjektit të të dhënave

Çdo mysafir ka të drejtë:

• Të ketë qasje në të dhënat e veta;
• Të kërkojë korrigjimin e tyre;
• Të kërkojë fshirjen kur lejohet nga ligji;
• Të kufizojë ose kundërshtojë përpunimin;
• Të transferojë të dhënat tek një operator tjetër;
• Të tërheqë pëlqimin për marketing;
• Të paraqesë ankesë pranë autoritetit kompetent.

10. Siguria dhe ruajtja e të dhënave

Hoteli përdor masa teknike dhe organizative për mbrojtjen e të dhënave, duke përfshirë enkriptimin, serverë të sigurt dhe kontroll të qasjes.

Të dhënat ruhen vetëm për periudhën e nevojshme për qëllimet për të cilat janë mbledhur ose për aq kohë sa kërkohet nga legjislacioni në fuqi.

Megjithatë, asnjë sistem elektronik nuk mund të garantojë siguri absolute.

11. Transferimi i të dhënave tek palët e treta

Të dhënat mund të ndahen vetëm me:

• Ofrues të shërbimeve të pagesave dhe rezervimeve;
• Banka dhe institucione financiare;
• Ofrues të sistemeve IT;
• Autoritete publike kur kërkohet me ligj.

Hoteli nuk shet të dhëna personale për qëllime komerciale.

12. Kamerat e sigurisë (CCTV)

Për sigurinë e mysafirëve dhe pronës, Hoteli mund të përdorë sisteme të monitorimit me video në hapësirat publike.

Kamerat nuk instalohen në dhoma, banjo, ambiente private apo zona ku pritet privatësi e plotë.

13. Cookies dhe teknologjitë online

Faqja e internetit mund të përdorë cookies për funksionim, analiza statistikore, përmirësim të përvojës së përdoruesit dhe marketing.

Përdoruesit mund të menaxhojnë preferencat e cookies përmes shfletuesit të tyre.

14. Përgjegjësitë e mysafirit

Mysafiri është përgjegjës për:

• Dhënien e informacionit të saktë;
• Respektimin e rregullave të Hotelit;
• Parandalimin e dëmtimeve ndaj pronës së Hotelit;
• Respektimin e qetësisë dhe komoditetit të mysafirëve të tjerë.

15. Check-in dhe Check-out

Check-in fillon nga ora 14:00.

Check-out duhet të përfundojë deri në ora 11:00.

Check-in i hershëm dhe check-out i vonuar mund të ofrohen vetëm sipas disponueshmërisë.

16. Identifikimi gjatë check-in-it

Të gjithë mysafirët duhet të paraqesin dokument valid identifikimi.

Qytetarët e Kosovës mund të përdorin letërnjoftim ose pasaportë, ndërsa shtetasit e huaj duhet të paraqesin pasaportë valide.

17. Politika për fëmijët

• Fëmijët 0–5 vjeç akomodohen pa pagesë.
• Fëmijët 6–12 vjeç përfitojnë zbritje prej 50%.
• Krevatet për bebe ofrohen sipas disponueshmërisë.

18. Politika për kafshët shtëpiake

Kafshët shtëpiake nuk lejohen brenda ambienteve të Hotelit dhe restorantit, për arsye sigurie, higjiene dhe komoditeti të mysafirëve të tjerë.

19. Politika kundër duhanit

Pirja e duhanit ndalohet në të gjitha ambientet e brendshme të Hotelit.

Shkelja e kësaj politike mund të rezultojë me tarifë shtesë prej 200 €.

20. Sendet personale dhe objektet me vlerë

Mysafirët janë të obliguar të përdorin kasafortat e vendosura në dhoma për ruajtjen e sendeve me vlerë.

Hoteli nuk mban përgjegjësi për humbjen, dëmtimin ose vjedhjen e sendeve personale.

21. Fotografitë dhe videot

Fotografitë dhe videot e realizuara në ambientet e Hotelit nuk mund të përdoren për qëllime komerciale ose fitimprurëse pa autorizim paraprak me shkrim nga Hoteli.

22. Dëmtimi i pronës së Hotelit

Çdo dëmtim i shkaktuar nga mysafiri do të faturohet sipas vlerës reale të dëmit dhe kostove të riparimit ose zëvendësimit.

23. Forca madhore

Hoteli nuk mban përgjegjësi për mosrealizimin e shërbimeve si rezultat i ngjarjeve jashtë kontrollit të tij, përfshirë fatkeqësitë natyrore, pandemitë, grevat, konfliktet civile ose ndërprerjet e infrastrukturës.

24. Juridiksioni dhe ligji i zbatueshëm

Këto Kushte rregullohen sipas ligjeve të Republikës së Kosovës.

Çdo mosmarrëveshje që nuk zgjidhet me marrëveshje do t'i nënshtrohet juridiksionit të gjykatave kompetente të Republikës së Kosovës.

25. Dispozita përfundimtare

Nëse ndonjë dispozitë e këtyre Kushteve shpallet e pavlefshme, pjesa tjetër e dokumentit mbetet në fuqi.

Deklarata është bërë në gjuhën shqipe. Hotel Gallery - Thermo Mineral & Spa ka të drejtën që herë pas herë të modifikojë / shtojë / përmirësojë Politikat e Privatësisë.

Për pyetje rreth këtyre Kushteve, na kontaktoni në frontoffice@hotelgallery-ks.com ose telefononi +383 46 310 333.

Këto Kushte mund të përditësohen herë pas here. Data e versionit aktual shfaqet në krye të kësaj faqeje.